ئَژ شُو

به شی نه جوریمنه

که ئاسارَلِ یأس

               نیر دارترینِ ئاسارَلن

ئُو مه دارِ ئُمید

ئَژ ئاسا رَلی  تِرِک  

                       کِل بیه

دل نیَس ئه مونگ

هونه که  رِیِت  روشنا  مِه هه

دیاریِتَ مِه هه  ئرا  بُگدَلِ  ته ریَل

وَگَردِ مِ بِگیر

              ئه له

تنیا ئَسر

 تُمِ ئَسر

دیری

ئُو تنیا وارو

           ئُورلَه  سُوِکَ مِه هه

بارِ ویرِت که مِنیش زِیَم هاردیِم

(شُو

    وَ" تَم – ریَلی" که

                وَ سناری سه نیَه

تُومه تمو  داسی ...

ئه له !

ئِرا ئایِم

        چیَلی بایِسِن

                  که هاسُ نِه هه...

# # # #

وا

تُمِ تَرِک مِه

ئُو

 تُمِ تِر دیری

نو

تُمِ نو نِمه

ئوخاک

ئو خاک

ئو خاک

تُمِ خوین گرتیَه ...

هُوار بکیش

             ئه له

دار

ئَر وَلگ نیاشتو

مه مِری ...

ترجمه فارسی را از لینک زیر ببینید

برای مقایسه کردن با متن لکی می توانید با استفاده از یک نیو تب آن را باز کنید

که ئژ  که نیَلِ  سُویر

پا گِرتیه

شُویی  که  ئاسارَلِ ویَر

ئَر مازِ چولی  مه گیریان

 ئِه  ری   گل– پَلی  نیشتُویی

ئُو چه مه لی  هُولی رِیی مه جوری

که ئَژ دِرِکَلِ ری

بی بایِسی مَه هَرد

ئِه گَردِ مِ خداییکه

ئِرا ئِشکونِنِ داری

ئُو بنیا ناننِ  لیزی

ئِرا گِردِ ئازادَلی

که هُولی ئه دی  نه هَتنه

لیزی که نیر

ئه لارِکی

تُمِ خاکَ مِه هه

بی رِقِ له شگَرِ شُو

ئو بی  مِنَتِ زُنادَل ..

ئه گرد م خداییکه

که ئه چه مَلِ ئایِمَل

(ئو ئه  تی نیِ ئایمَل )

جوریمه سی

ئو ئه لَه شِ دَلی دیمه

که هر شوآره

زُوو ئَر زیَمَلِ وژ میا

خدایی که ئَژ چِیه لِ ئایم

(یه کی خوینُ

          یه کی ئَسر)

چی ئُوییلِ هیردی

واَ  مه میژی

خدایِ مِ

         دردَ  

             خدایِ گِردِ ئایمَل ...

ترجمه فارسی را از لینک زیر ببینید

برای مقایسه کردن با متن لکی می توانید با استفاده از یک نیو تب آن را باز کنید

                ئیر هه تیمِن             

وَ  قه سَم  نومچِه  باتِلی   ئه مِشتِمو

ئُو  ئَه مونه تیِ   لیَنَت بیِه

ئَرشُنَلِمُو

شاهِدَلِ ماز

تنیا

  سی - بردلِ سنگسارِ تاریخی بیِن

که بُوَلِمُو وَ  ئَه سابِ  ئاسِن

         ئُو ئه دَفَرِ ئایِم             

                        ئُوراشتوینِه          

هِیَر

    هیچ چییِی           

            نمه زونِست       

ئُو شرمساریا

و دَربالَلِ خاکیِ ئَژ خاکِی دیر

                            کُوِشتویمِن

روژ      

     مِردوی ...

ترجمه فارسی را از لینک زیر ببینید

برای مقایسه کردن با متن لکی می توانید با استفاده از یک نیو تب آن را باز کنید

بی جیای ئایم

بی جیای دل

بی جیای فه سلل

سه رزمینی که روژی

 مه نیشم  ئه ری  خاکی

جایی کَه

 ئه لارک مِ

ئه لارک تو

ئه لارک دل

جایی که

         "کُرکُر"

چنه جورَتی نه

که چنه  که موته ر  بینی ئُوجَ مه گری

جایی که  دیموته رین  دارل سُوزَ  مِه هن

جای که تو

 ئرا ژن بیِنِت

نه

ئرا ئایم بینت هاینِ لارک مِ

جایی که ئشق

چَه پَری چنه ئه لارکِ  یَه ک بیِن

نه

چنه خیالت نه

که  مه رزی  نمه شناسی

سه فَری  بایسه

سه فری  بایسه

ئه ژ  ئیرِله

      تا ئیره

که  ئه ژ  خُو تا راس

چه م  واز کردنی بایسه

# # #

سه رزمینی که  "ئه هیه ره  مه زونتی"

"قلف"  

کتُویی که

کِه  که س  نه نیسونیه سِی

ئُو مه رزِ نوم تاق ئایِمَل

                          وَ سلامی

                                      مه شکی ...

ترجمه فارسی را از لینک ادامه مطلب ببینید.

برای مقایسه کردن با متن لکی می توانید با استفاده از یک نیو تب آن را باز کنید