هنا

تال

ئو سه مفونی ِ شِر

ئه ژ هه ر ریی که چمه  و تو رسیمه

ئه ژ هه ر دنگی کِه  مه شنُوِم

حه تا

    گجر تر ئه ژ دنگ باللِ  بال - په رینه

ئو

سُوِک تر ئه ژ گلولگل گل

دیر تر ئه ژ هنایی که  وا  مارتِی

ئو

نادیاری تر ئه ژ سایی ئه  کشمات ته رین  شُوَل

تال دریژ تونه مه شنُوِم ...

وختی که

     گریوه    

       ئه ژ ئُوییل هیردی مایی ئه گوش 

مه نایی  ئه دی هه تنِ زندگیَ

وختی که

توریسکه ئاگری ئه  شُوَلِ  وویَر* مایی و چه مت

مه نای ستار گرتنه

وختی که ئه کویچه

یه  نه فه ر هوار مه کیشی

توم  داری مه کُویی ئه را

ئه ر دو نه فه رهوار بکیشن

توم دو دار مه کُویی  ئه را

ئه ر گِردِ  شیه ر هوار بکیشن

دارل،

میه نِ لا

   تا ئشق

       ئه ژ   

          تنیا

            بیِنی     

شه رمساری نه کیشی

هه ر چه ن

         که تو

             تنیا         

نومِ مِنِت هنا کردیه

کوِی جه می ئه ژ به ردلَ ...

ئه ر وا ئه ژ کشتلِ هیل  کِل نو

لیوه مو

ئو سه ر و دریا مه نی

ئه ر دریا ئه ژ  موهیل   بگری

و مه نای دریا َ مه رسن

ئهونه سه  که  مِ

ومه نای تو رسیمه ...

 دوآره دنگی مه شنُوِم

دوآره تال دریژ تونه

ئه ر ئِنومِ ئی  ریه

میر خه زُیی* هنا ِم بِهِه

هِتِر

و زوونِ مه حکوم و ئِدامی بآمِ جوو

ئه ر ئنومِ ئی  ریه

ئه لویی * سا بُوژی ئه ر مِ

هِتِر

و زوون که موتری بآم جوو

ئه ر ئِنومِ ئی  ریه

سیاسه ت مه داری هنا ِم بِهِه

و زوون حه قیقه ت مآم جوو

ئو وَ رسم ئاگر هیز مه گِرِم

ولی ئه ر تو بآیین ِ زوو

ئه ر تو بآینِ زوو

گردِ ئه نومم

چی سازِ ئوسایی * چویر